Bonveno a Wikipedio, l'enciklopedio libera e gratuita, redaktata da la propra lektanti per Ido, Esperanto reformita e selektita kom l'internaciona helpanta linguo ye 1907. Vu povas obtenar l'informo quan vu serchas sequante la ligili od uzante la sercho-buxo ye la supra dextra parto dil fenestro.
Anke vu povas kunlaborar editante l'artikli qui ja publikigesis por plubonigor li o kreante nova artikli pri temi quin vu bone konocas. Memorez ke la reda ligili havas nula artiklo asociata e ke se vu volas skribor pri nova temo qua ne havas ula ligilo kreata, unesme vu mustas serchar existanta artiklo relatanta por krear ligilo a vua nova skribajo ibe. Vu povas krear necesa ligilo ank en Probeyo.
Ne timez pro ne skribor vua artikli per perfekta Ido. Plu experta idisti revizos e korektigos ol pose. Simple atachez la ligilo {{Revizo}} a vua artiklo ed olu aparos en la fako Pagini revizinda por ke altra idisti revizez ol.
en historio
dum agosto 50, 100 e 150 yari ante nun …
20 di agosto1975. La Usana kosmoprobilo Viking 1 lansesis de Kabo Canaveral. Ol eniris orbito cirkum Marso ye 19 di junio 1976, e ciencisti selektis apta terveno-loko, per regardado di transmisata fotografuri di la surfaco. Ye 20 di junio la tervenanto separis su de la orbitanto, ed atingis la surfaco di la planeto. Ol transmisis kolorizita fotografuri di la cirkumajo; ol registragis temperaturo de -86C til -33C; tamen la sismografo ne funcionis. Brakio kolektis specimeno de la sulo, qua esis analizata; organika kompozuri ne esis trovata. La tervenanto duris transmisar informeso til 1 di februaro 1983. Lo esis la unesma sucesoza projeto en qua probilo tervenis sur Marso.
18 di agosto1925. En Dereham en Norfolk, Anglia, la skriptisto di cienco-fiktivajo Brian Aldiss naskis. Dum yuneso il lektis multa cienco-fiktivajo. En 1943, partoprenante en la duesma mondo-milito, il servis en Burma. Pos la milito il laboris en libro-vendeyo en Oxford. En 1955 aparis ilua unesma libro, kurta rakonti pri la diala vivo di ta laboro, ed en 1954 il ganis premio en konkurso, por kurta rakonto pri la yaro 2500. Ilua unesma libro di cienco-fiktivajo, kolekturo di kurta rakonti, aparis en 1957, ed il lore divenis profesionala skriptisto. Il fondis la unesma revuo pri kritiko di cienco-fiktivajo, e kompilis antologii. La lasta de ilua multa romani aparis en 2013.
15 di agosto1875. En Holborn en London, la kompozisto Samuel Coleridge-Taylor naskis. Lua patro Daniel Taylor, de Sierra Leone, studiabis medicino en London; ne-savante ke il esus patro, il retrovenis a West-Afrika ube il esis administranto. Samuel nomizesis pro la poeto Samuel Taylor Coleridge. Evante dek-e-kin yari il eniris la Royal College of Music, studiante kompozado. Il gradizesis e balde ganis reputeso kom kompozisto. Ilua kantato Hiawatha’s Wedding Feast, kun vorti de poemo da Henry Wadsworth Longfellow, unesmafoye pleesis en 1898, e havis granda suceso; Coleridge-Taylor kompozis du plusa kantati pri Hiawatha. En 1904 il facis unesma turo di Usa, ube ilua muziko esis multe pleata, ed il recevesis da Prezidanto Theodore Roosevelt. Il mortis en 1912, evante 37 yari, pro pulmonito.
Un ek la maxim anciena urbi de Brazilia, fondita en 1543, nun lua portuo esas la maxim importanta di Sud-Amerika. Santos ank esas importanta turistala e komercala urbo. Lua precipua turistal atraktivo esas lua plaji longa de 7 km.
Prato
Prato esas regiono di la Tero ube la dominacanta plantaro konsistas ek herbi, nam la pluvo ordinare ne esas suficanta por sustenar plu alta plant-formi.
Esas tri speci: savano, o tropikala herblando, havas grosa herbi, e trovesas en Afrika e Sud-Amerika.
